Home » Brahui » اسیٹ،ایرٹ،موسیٹ انتےملنڈ کیرے

اسیٹ،ایرٹ،موسیٹ انتےملنڈ کیرے

[arabic-font]

لکوکا:-علی گل سرپرہ

اسیٹ،ایرٹ،موسیٹ انتےملنڈ کیرے

چونکی ان بینینگ اُٹ اسیٹ ایرٹ موسیٹ مونا اچ تیپرا کہ کنا پیر انگاک انتے مونا گنتی اے اُست ان درینو؟ارکس ان اریفیوا تو عجیب او فلسفہ اس پایک کنے کنا دا چُنکا دماغ پریشان کیک احساس کمتری ٹی ام شاغک کہ کنا پیر انگاک پین تو اچ اس لکھنگ کتنو ولے تینا مال و مڈی نا حساب کتاب تو کننگ کرور ولے اسیٹ ایرٹ موسیٹ ان پد اچ اس تیپنا دا نا تو اندا مطلب اے کہ ننا پیر انگاک داخہ نالاہق مسونو کہ تینا مال و مڈی نا حساب اے ام تخنگ کتنو۔

بلو وخت اسے ان پد توسوٹ سوچاٹ ننا پیر انگاک داخہ سادہ مننگ کپسا،گوڑا توسوٹ انٹرنیٹ آ فیس بک انا وخت پاسی ان بیدس تینا بولی نا کول ان اہم انگا گڑا نا معلومات کننگ نا بینا اے کریٹ،انت اس کنا دا چُنکا دماغ پو مس او دا وڑ اے۔

نن تاریخ اے اندون سوچینا دون کہ دا دور اے ولے دا ننا خام خیالی اے، انتے کہ اینو نا دور اٹی دنیا اے اسے گلوبل خلک اس پارا،گنتی نا اسے سسٹم اس مُچا دنیا ٹی چلینگنگ اے، ارا دے ڈیسیمل پارا0 -9 اسکان ،ولے کمپیوٹر نا کنڈا کانا تو حیران مرینا کہ کمپیوٹر نا سسٹم 0-1 ان بیدس اچ اس تیپک، داسا نن تاریخ نا کونڈا کانا کہ ننا نمبر سسٹم 1-3 نا مسونے ننا نمبر سسٹم اٹی 4،5،6،7،8،9،0 متنو دا ایت غلط اے کہ نن دافتے اُست ان درینون، اندون پین باز بولی تا نمبر سسٹم اندا مسونے۔

ارا دراوڑی بولی تا آبادی مچٹ مسونے یا بلا آبادی ان مور مسونو افتا گنتی 3 یا 4 او گڑاسے نا 6 او، پین مُچا سسٹم اے خُڑکنا بولی تے ان ارفینو۔

الیکسی کاسیان ہم تینا ارٹیکل اسے ٹی لکیک کہ دنیا نا پین قدیم آ بولی تے امبار براہوی ہم 3 نا سسٹم استعمال کرینے۔او لکیک جنوبی افریقہ،پاپوا، امازونیہ نا گڑاس مخلوک داسکا اندا سسٹم اے استعمال کننگ او۔

1958 اٹی ماسکو ٹی اندا سسٹم آ اسے کمپیوٹر اس ام جوڑ کننگا۔ارا سسٹم اے ٹرینری سسٹم پارا۔

[/arabic-font]

Leave a Reply

Your email address will not be published. Required fields are marked *

*

WpCoderX