Home » Brahui » بولی نا کہنگ

بولی نا کہنگ

[arabic-font]

 لکوکا:-علی گل سرپرہ

بولی نا کہنگ

بولی نا کہنگ اسے اندونو عمل اسے عمل اسے اندون کہ بندغ نا کہنگ اے۔ اسے بولی ٹی ایت کروکاک ایت کننگ اے ایلار تو بولی کسک،ولے دا عمل اچانک مفک بولی نا لوظ اک کرار کرار آ گوہنگیرا اگا اونا ایت کروکاک اسے آفت اسے ٹی اسے وار آ کستوس۔

بولی نا کہنگ نا قسم اک

۔     کرار آ بولی نا قہنگ

۔     شیف ان بوڑز بولی نا کہنگ: ارا تم کہ بولی ھنکین ناحد ا کہک

۔     بوڑز ان شیف بولی نا کہنگ : ارا تم کہ بولی ٹی بدل حکومتی حد ا بریک

۔     آفتی کہنگ:

اسےخنوک و عمل اس تو دا دے کہ اسے بولی نا بندغاک تینا بولی ان بیدس بولی تے ہم ایل کیرا،ولدا کرار ا او پین بولی سے ارفیرا او تینا بولی اے الیرا۔ دا عمل تینا مرضی ٹی یا زبردستی مننگ کیک۔ دا عمل معاشی کم بوتی نا سبب ان ہم مننگ کیک کہ اسے اندونو بولی اس ارفیرا ارا ٹی روزگار او معاشی ترقی مننگ کے۔

امو بولی اے کہوک پاننگ مفک ارا نا اسے بندغ اس ام زندہ مرے ولے تینا بولی ٹی ایت کننگ کے۔ اگہ منہ پیرو بندغ مریر ولے او تین پہ تین تینا بولی ٹی ایت کپس او بولی ہم کہوک چاہنگک۔ اگہ پیر انگاتے تینا بولی برے ولے اُفتا چوناک تینا لُمی آ بولی اے ایل کپس او بولی بروکا نسل اٹی کہک ، بولی ارا تم کہ لُمی ا بولی متو،او دا وڑ کہ چوناک او بولی نا جگہ غا پین بولی اسے ٹی ایت کیر او تینا بولی اے الیر دا بولی مونا زندا سلپک دا عمل زو مفک دا کرار کرار ا دُن مریک کہ اسے نسل مچے لفظ ایل کیک بروکا نسل اوڑان مچے ایل کیک ، ولدا تینا بُولی اے بیرا اسے روایتی و پروگرام اسے ٹی شیر و بابل نا وڑ اٹ استعمال کیرا۔

[/arabic-font]

Leave a Reply

Your email address will not be published. Required fields are marked *

*

WpCoderX